3 victorias de 4 encontros. Non está mal!

C.V.RIANXO 3 - 1 BURGAS VOLEI   LIGA GALEGA INFANTIL MASCULINA
(16-25/25-16/25-18/25-18)

 Facía dende a primeira xornada que os infantís non se encontraban ca victoria, e que mellor que facelo fronte o seu rival directo por ser o pechacancelas da táboa, o Burgas Volei. 
 Logo de uns últimos adestramentos moi bos por parte dos pequenos, chegou o día de levar á práctica todo o aprendido. E así foi. Logo dun primeiro set plagado de erros polo noso lado, os infantís déronse conta do que había que facer para levarse o encontro e comezaron a asegurar cada balón. Isto, xunto co bo traballo en defensa, dificultaba ós ourensáns a suma de puntos, que cada vez lles costaba máis. Co número de erros reducido ó mínimo, incluso no saque, que viña sendo un lastre nos últimos encontros, os rapaces superon controlar o partido a partir do segundo set e asegurarse unha victoria cuns parciais moi cómodos.
 Esta victoria aúpa ós infantís ó 6º posto da clasificación, e aínda que non está todo decidido a falta de 4 xornadas para rematar a competición, os infantís teñen case asegurado o non-último posto.
 Esta xornada levaraos a terras lucenses o sábado pola mañá para enfrontarse ó peor dos rivais posibles, o EMEVE, primeiro clasificado. Sorte!


C.V.SANTIAGO 3 - 0 C.V.RIANXO   LIGA ZONAL CADETE FEMENINA
(25-14/25-13/25-17)

 Clara derrota das cadetes en tres sets fronte o primeiro clasificado da categoría, o Santiago, que fixo valer a súa condición de campión nun difícil encontro para as nosas. 
 Superadas en altura, forza, e non tanto en xogo, as cadetes rianxeiras só puideron defender ante o rival co ataque e servicio máis potentes da liga. Cada vez que as nosas se achegaban no marcador grazas a unhas boas defensas e uns ataques ben colocados, as santiaguesas logo se distanciaban dende a liña de nove metros cuns canonazos impresionantes para esas idades. Malia todo, as rianxeiras non tiraron a toalla e xogaron ata o final, conseguindo no 3º set o mellor parcial.
 Por parte do Rianxo xogaron: Paula, Marta, Sara, Laura, Lía e Diana.
 Esta derrota sitúa ás cadetes nun definitivo 4º posto da táboa. A vindeira e última xornada desta liga cadete zonal femenina enfrontará ás nosas co San Sadurniño, penúltimo clasisficado. Esperemos que se repita o 3-1 a favor do partido de ida!      


C.V.SANTIAGO 2 - 3 C.V.RIANXO   LIGA ZONAL XUVENIL FEMENINA
(24-26/22-25/25-23/25-22/13-15) 

 Partido de infarto de pouco máis de dúas horas o domingo pola mañá na capital, onde as xuvenís se enfrontaban ó Santiago na loita polo segundo posto da táboa.
 Como no encontro anterior das cadetes, as xuvenís mantiveron o seu xogo dende a defensa, moi sólida durante todo o encontro, fronte uns ataques locais que pouco teñen que envexar ós da liga galega. A igualdade no marcador, presente en tódolos sets, só se rompía dende os 9 metros, cos dous equipos moi atinados que forzaban ó máximo a recepción do rival. 
 Logo dos dous primeiros sets a favor para as nosas, as santiaguesas meteron primeira no terceiro set, chegando a ter unha vantaxe de ata 10 puntos (21-11). Con todo, as nosas non deixaron de pelear, e con dúas boas rachas de saque puxeron o 23-22 no marcador, que finalmente se levarían as locais logo de outras xoias desde o servicio. No cuarto set non impuxeron unha vantaxe tan ampla no marcador, pero sí no xogo, moi eficiente na defensa, o que obrigaba ás rianxeiras a forzar o ataque ó máximo. Logo duns erros cometidos a finais do set, as locais acadaban o empate 2-2. No tie-break o Santiago seguiu na mesma liña de xogo, acadando unha considerabe vantaxe (9-3), pero as nosas voltarían tirar da defensa para poñelas contra as cordas 13-13 e finalmente levarse o encontro tras dous puntos finais agónicos.
 Polas xuvenís xogaron: Yaiza, Ana, Paula, Ainhoa, Naomi, Alicia, Diana, Laura, Sara e Jenny.
 Con esta victoria as xuvenís teñen case asegurada a 2ª praza da clasificación, a esperas desta última xornada que as enfrontará contra o último clasificado, o Voleibol Maniotas. Sorte!


C.V.RIANXO 3 - 2 BURGAS VOLEI   2ªDIVISIÓN A MASCULINA
(25-21/19-25/25-19/26-28/15-11)

 Retomaban a actividade os senior logo de tres semanas de parón, tres semanas que lles pasaron factura neste encontro. Ainda que en liñas xerais non fixeron un mal partido, ós senior puidolles a confianza tanto no segundo set coma no cuarto, nos momentos de manter as vantaxes, o que fixo que os ourensáns forzaran o tie-break logo de tirar un cuarto set cun 22-16 a favor. Con todo, os rianxeiros superon dominar a situación nos momentos clave cun bo ataque e unha boa defensa en segunda liña. Cun 8-5 a favor no cambio do quinto set, os senior mantiveron esta vantaxe para rematar un partido no que se deixaban un valioso punto.
 Logo desta victoria os senior manteñen á 3ª praza da clasificación a falta de tres xornadas para que remate a competición. Esta xornada desprazaranse a Lugo para enfrontarse ó EMEVE, quinto clasificado, e despexar dúbidas para o derradeiro encontro da tempada que os enfrontará contra o Noia nun partido que semella moi emocionante.