Clube Voleibol Rianxo

MALA XORNADA PARA O CLUBE

C.V.RIANXO 0-3 SAN SADURNIÑO - 2ªDIVISIÓN A MASCULINA
(23-25, 22-25, 23-25)

Derrota en 3 sets do equipo senior masculino fronte o San Sadurniño, vixente campión da categoría e un dos rivais a batir esta tempada. Partido moi emocionante no que a igualdade estivo presente en todo momento, sendo o equipo visitante o que máis apretou nos finais de set para levarse o partido. Os tres xogos foron prácticamente idénticos, igualdade ata o 20-20, momento no que os rianxeiros repetían os erros do seu primeiro partido contra o Boiro e deixaban escapar uns valiosísimos puntos que lle costarían a derrota. 

Logo deste encontro, o Rianxo atópase 5º con un punto nunha táboa que está encabeza polo San Sadurniño, que segue invicto.

Os outros encontros da xornada foron: O derbi Boiro-Noia, que se levou o Noia por 0-3 e o Teis-Burgas Volei, vencendo Teis por 3-1.



SANTA MARÍA DEL MAR 3-0 C.V.RIANXO - LIGA GALEGA INFANTIL MASCULINA
(25-20, 25-18, 25-9)

Segundo partido dos infantís nesta liga galega, e primeira derrota fronte un Santa María que foi superior, pero que tivo que realizar un bo esforzo para vencer ós rianxeiros.
Nun encontro no que reinaba o saque, os nosos pequenos plantáronlle cara a un rival moi ben organizado e con xogadores altos que mandaban na rede. E coma os maiores, unha racha de erros consecutivos facía que se escaparan os dous primeiros sets. No terceiro set o Santa María apretou moi ben no saque, o que fixo imposible a recepción rianxeira que comezou cun 7-0 en contra e, incapaces de levantalo, cederon o set polo 25-9 final.
Logo desta derrota os infantís póñense no 5º posto cun partido de menos respecto dos dous primeiros clasificados, o Manuela Rial e o Santa María.


Na próxima xornada estreanse as cadetes na liga zonal, onde acompañarán ós senior no seu desprazamento a Narón para xogares ámbolos dous partidos o sábado  ás 18:15 da tarde. Os infantís xogarán pola mañá contra o Manuela Rial ás 11:30.

Moita sorte a todos!